आज २०८३ साल जेठ १५ गते शुक्रबार, हेर्नुहोस् राशिफल
२०८३ जेष्ठ १५
240
Shares
वि.सं. २०८३ साल जेठ १५ गते शुक्रबारको पञ्चाङ्ग अनुसार आजको दिनको शुभ साइत र राहुकालको जानकारी दिइएको छ ।
आजको दिनमा मेष राशिका लागि माया प्रेममा रमाउन चाहनेहरूका लागि समय उत्तम रहेको छ भने वृष राशिका लागि व्यापार, उद्योग तथा बिलासी सामानमा लगानी बढाएर नाफा कमाउन सकिनेछ ।
मिथुन राशिका लागि मेहनतले प्रतिष्ठित काम गर्ने अवसर जुराउनेछ भने कर्कट राशिका लागि स्वास्थ्य सम्बन्धी समस्या आउनसक्छ । आजको पञ्चाङ्ग
वि.सं.२०८३ साल जेठ १५ गते । शुक्रबार । इस्वी सन् २०२६ मे २९ तारिख । नेपाल संवत् ११४६ । रौद्र संवत्सर । उत्तरायण । ग्रीष्म ऋतु । श्रीशाके १९४८ । अधिक जेठ शुक्लपक्ष । तिथि–त्रयोदशी, १२ घडी ८ पला, बिहान १० बजेर २ मिनेट उप्रान्त चतुर्दशी । नक्षत्र–स्वाती, १५ घडी ४ पला, बिहान ११ बजेर १३ मिनेट उप्रान्त विशाखा । योग–परिध, अहोरात्र । करण–तैतिल, बिहान १० बजेर २ मिनेट उप्रान्त गर, बेलुकी १० बजेर ४५ मिनेट उप्रान्त वणिज । आनन्दादिमा–गद योग । चन्द्रराशि–तुला । आजको राशिफल मेष (चू,चे,चो,ला,लि,लू,ले,लो,अ)
पढाइ लेखाइ प्रभावित हुनसक्छ ध्यान दिनुहोला । लगानी गर्दा साझेदारहरू बिच मतभेद बढ्नेछ । भौतिक सम्पत्ति तथा बिलासी बस्तुहरूको प्रयोग गर्दा ख्याल गर्नुहोला नराम्रा घटना घट्न सक्छ । तर पनि माया प्रेममा रमाउन चाहनेहरूका लागी समय उत्तम रहेको छ । उपहार तथा बिलासी सामानको प्राप्तिको योग रहेको छ । अध्ययन वा कामको सवालमा यात्रा हुने ग्रहयोग रहेको छ । बिलासी सामानको उपभोग गर्न पाउँदा मन प्रसन्न हुनेछ । वृष (ई,ऊ,ए,ओ,वा,वी,वू,वे,वो)
व्यापार, उद्योग तथा बिलासी सामानमा लगानी बढाएर नाफा कमाउन सकिनेछ । माया प्रेममा सामिप्यता बढ्ने तथा दाम्पत्य जीवनको गाँठो अझ मजबुत भएर जानेछ । मावली पक्षबाट भनेजस्तो सहयोग प्राप्त हुनेछ । लामो दुरीको अफिसियल यात्राको अधिक सम्भावना रहेको छ भने यात्राबाट भनेजस्तो उपलब्धि हात पर्ने ग्रहयोग रहेको छ । अध्ययन, वादविवाद तथा मुद्दा मामिलामा प्रतिस्पर्धीहरूलाई हराउँदै जित निकाल्न सकिनेछ । मिथुन (का,की,कू,घ,ङ,छ,के,को,हा)
मेहनतले प्रतिष्ठित काम गर्ने अवसर जुराउनेछ । पढाइ लेखाइमा उत्कृष्ट नतिजाका साथ तपाईँको नाम एक कदम अगाडी आउनेछ । सन्तान तथा छोराछोरीले प्रगति गर्ने हुनाले मन प्रसन्न रहनेछ । व्यापारमा गरेको लगानीबाट भनेजस्तो आम्दानी हुनेछ । माया प्रेमको गाँठो कसिलो भएर जानेछ । सामाजिक सञ्जाल तथा प्रविधिको प्रयोग गरी आफ्ना भनाई जनमानसमा लैजान सकिनेछ । कर्कट (ही,हू,हे,हो,डा,डी,डु,डे,डो)
स्वास्थ्य सम्बन्धी समस्या आई काम गर्न बाधा हुनेछ ध्यान दिनुहोला । आमा, आफन्त तथा साथीभाइबाट टाढिएर लामो दुरीको यात्रा गर्नु पर्दा मन खिन्न हुनेछ । राजनीतिमा आलोचना गर्नेहरू सक्रिय भएर लाग्नेछन् । अध्ययनमा समय दिन सकिने छैन भने बौद्धिक समारोहमा भाग लिने अवसर आए पनि न्यून पारिश्रमिकमा चित्त बुझाउनु पर्नेछ । कृषि क्षेत्रमा गरिएको लगानी भने फस्टाएर जानेछ । सवारी साधनको मर्मत तथा खरिद बिक्रीबाट मनग्गे लाभ लिन सकिनेछ । सिंह(मा,मी,मू,मे,मो,टा,टी,टू,टे)
सानो प्रयत्नले राम्रो काम गरी फाइदा लिन सकिनेछ भने प्रतिस्पर्धीहरू परास्त हुनेछन् । माया प्रेममा सामिप्यता बढेर जानेछ । अध्ययन अध्यापनमा प्रगति गरी गन्तव्य भेटाउन सकिनेछ । दाजुभाइ तथा छिमेकीहरूसँगको सम्बन्धमा सुधार भएर जानेछ । आफन्तसँग गरिने व्यापार व्यवसायबाट प्रशस्त आम्दानी हुने ग्रहयोग रहेको छ । उत्पादित उद्योग तथा व्यापारमा सुझबुझका साथ लगानी बढाई भनेजस्तो रुपैयाँ पैसा कमाउन सकिनेछ । कन्या (टो,पा,पी,पू,ष,ण,ठ,पे,पो)
व्यवसाय फस्टाएर जानेछ भने बौद्धिकताको प्रयोग गरी धन तथा सम्पत्ति सङ्ग्रह गर्न सकिनेछ । आफन्त तथा कुटुम्बसँग मिलेर गरिने व्यापार फस्टाएर जानेछ । पारिवारिक वातावरणमा रमाउँदै स्वादिष्ट भोजन ग्रहण गर्ने अवसर जुर्नेछ । सामाजिक तथा कल्याणकारी काम गरी समाजमा नाम कमाउन सकिनेछ । थोरै बोलेर वा बोलीकै माध्यम बाट धेरै कामहरू गर्न सकिनेछ । धातु तथा खनिज पदार्थसँग सम्बन्धित व्यवसायबाट लाभ लिन सकिनेछ । तुला (रा,री,रु,रे,रो,ता,ती,तू,ते)
प्रविधिको प्रयोग गरी रचनात्मक काम गरी मनग्गे धन आर्जन गर्न सकिनेछ । नयाँ काम गर्न सकिने तथा सहयोग र समर्थन गर्नेहरू प्रशस्त भेटिनेछन् । व्यापार र उद्योगमा लगानी गर्दा नाफा कमाउन सकिनेछ । पढाइ लेखाइमा सफलता हात पार्न सकिनेछ भने पहिले गरिएका कामहरू उपलब्धिमूलक बन्दै जानेछन् । समाजसेवा तथा राजनीतिमा चासो बढ्ने तथा जनताको काम गर्न सक्दा पद प्राप्तिको योग रहेको छ । वृश्चिक(तो,ना,नी,नू,ने,नो,या,यी,यू)
समयको गतिसँगै बढ्न नसक्दा प्रतिस्पर्धामा अरूभन्दा पछि परिनेछ । तयारी बिना नै महत्त्वपूर्ण काम सुरु गर्दा बिग्रनेछ । तर पनि विदेश यात्राको गतिलो सम्भावना रहेको छ भने विदेशी सामानको व्यापार फस्टाएर जानेछ । स्वदेशमा उत्पादित सामानको व्यापार व्यवसायमा अरुदिन भन्दा बढी समय खर्चिनु पर्नेछ । प्रणय सम्बन्धमा रमाउन चाहनेहरूका लागी समय उत्तम रहेको छ । औषधीजन्य सामानको बिक्री वितरण गरी लाभ लिन सकिनेछ । धनु (ये,यो,भा,भी,भू,ध,फा,ढा,भे)
विशिष्ट व्यक्तिहरूको विचारले प्रभावित बनाउनेछ । सामाजिक कामका विशेष रुचि बढ्नेछ भने राजनीति तथा समाजसेवामा समय दिन सक्दा नाम तथा दाम दुवै कमाउन सकिनेछ । प्रणय सम्बन्धमा एक अर्कालाई विश्वास गर्दै अगाडी बढ्न सकिनेछ । कृषि तथा पशुपालन व्यवसायलाई परिमार्जन गरी आम्दानीका स्रोत बढाउन सकिनेछ । अध्ययन वा कामको सवालमा लामो दुरीको यात्राको योग रहेको छ । मकर (भो,जा,जी,जू,जे,जो,ख,खी,खू,खे,खो,गा,गी)
सम्मानित काम गरी सबैको मन जित्न सकिनेछ भने व्यापार व्यवसायमा प्रशस्त आम्दानी गर्न सकिनेछ । पारिवारिक माहोलमा भेला भई मिष्ठान्न भोजन ग्रहण गर्न सकिनेछ । परिवारजनको सहयोगले महत्त्वपूर्ण कामहरू बन्ने हुनाले आर्थिक अवस्था सुदृढ हुनेछ । यात्रा तथा मनोरञ्जनमा समय व्यातित हुने तथा बिलासी सामानको उपभोगमा समय खर्च हुनेछ । कुम्भ (गू,गे,गो,सा,सी,सू,से,सो,दा)
शैक्षिक वा धार्मिक यात्रा हुने योग रहेको छ । धार्मिक पुस्तक अध्ययन गरी ज्ञान आर्जन गर्न सकिनेछ भने धर्मसँग सम्बन्धित सामानको व्यापारबाट मनग्गे लाभ लिन सकिनेछ । शिक्षा क्षेत्र, पहिरन तथा खाद्यान्नमा आज गरिएको लगानीबाट प्रशस्त आम्दानी हुनेछ । प्रणय सम्बन्धमा रमाउन चाहनेहरूका लागी समय शुभ रहेको छ । गीत सङ्गीत तथा कला क्षेत्रमा समय दिनेहरूका लागी समय उत्तम रहेको छ । मीन (दी,दू,थ,झ,ञ,दे,दो,चा,ची)
स्वास्थ्यमा समस्या आउने हुनाले आहार बिहारमा ध्यान दिनुहोला । आफन्त तथा दिदी बहिनीसँग मनमुटाब बढ्नेछ भने समय अनुसार अपडेट नहुँदा अरूभन्दा पछि परिनेछ । व्यापारमा तत्काल लगानी नगर्नु नै राम्रो रहनेछ । पढाइ लखाइमा ध्यान नजाँदा अरूकै नाम अग्र स्थानमा आउनेछ । माया प्रेममा सामान्य मनमुटाब सिर्जना हुनेछ भने जीवन साथीसँग ठाकठुक पर्नेछ । आर्थिक सङ्कटले दैनिकी प्रभावित हुनेछ । तपाईँको दिन शुभ रहोस् ।
एक प्रश्न संवाददाता 
