प्रधानमन्त्री शाह र सामान्य प्रशासन मन्त्री रावलबीच कार्यसम्पादन सम्झौता

काठमाडौँ : भूमि व्यवस्था, सहकारी, संघीय मामिला तथा सामान्य प्रशासन मन्त्री प्रतिभा रावलले चालु आर्थिक वर्षमा मन्त्रालयबाट सम्पादन गरिने प्रमुख कार्य तथा हासिल गरिने अपेक्षित उपलब्धिका विषयमा प्रधानमन्त्री वालेन्द्र शाहसँग कार्यसम्पादन सम्झौता गरेकी छन् ।
प्रधानमन्त्री तथा मन्त्रिपरिषद्को कार्यालयमा आज आयोजित कार्यक्रममा मन्त्री रावलले प्रधानमन्त्री शाहसँग सम्झौतामा हस्ताक्षर गरेकी हुन् । सम्झौतामार्फत चालु आर्थिक वर्षका लागि मन्त्रालयको प्राथमिकता, कार्यलक्ष्य र अपेक्षित उपलब्धिलाई स्पष्ट गर्दै सरकारी कामलाई नतिजामुखी ढंगले अघि बढाउने आधार तय गरिएको छ ।
भूमि व्यवस्थापन, सहकारी क्षेत्रको नियमन, संघीय मामिला तथा अन्तर सरकारी समन्वय र सामान्य प्रशासनसँग सम्बन्धित कार्यलाई प्रभावकारी रूपमा कार्यान्वयन गर्ने विषय सम्झौतासँग जोडिएको छ ।