रास्वपा महाधिवेशन : झण्डै ३ हजारले हाले भोट

चितवन : राष्ट्रिय स्वतन्त्र पार्टी (रास्वपा) को महाधिवेशनअन्तर्गत पहिलो चरणको निर्वाचनमा भोट हाल्नेको संख्या ३ हजार नकट्ने भएको छ । ४ हजार २ सय प्रतिनिधि सहभागी मध्ये विद्युतीय भोटिङ सेवाप्रदायक रामलक्ष्मण इनोभेसनको रेकर्डमा उल्लेख भएअनुसार दिउँसो १२ः३० को समयमा २९ सय ५० जनाले मतदान गरेका छन् ।
अन्तिम लाइनमा ८ देखि १० जना उभिएका छन् ।

४२ सय प्रतिनिधिले भाग लिएको महाधिवेशनअन्तर्गत निर्वाचन कार्यमा ढिलाइ हुँदा थुप्रै घर फर्किएका कारण भोट हाल्नेको संख्या घटेको रास्वपाका एक नेता बताउँछन् ।
पहिलो चरणमा थुप्रै उम्मेदवारका नामको क्रमांक बिग्रिएको, चिन्ने नाम उल्लेख नभएको र क्लष्टर फेरेर निर्वाचन समितिले उम्मेदवारी दिएभन्दा फरक क्लष्टरमा पारेको असन्तुष्टि देखिएको छ । त्यस्ता उम्मेदवार पराजित भएमा दोस्रो चरणमा हुने पदाधिकारी निर्वाचनमा सहभागी नहुने सम्भावना रहेको ती नेता बताउँछन् । (नेपालप्रेसबाट)